SERIKALI YAGAWA VISHIKWAMBI NA SARE KWA MAAFISA UGANI WA KILIMO HALMASHAURI YA WILAYA YA MOSHI

Posted on: August 15th, 2024

Serikali ya Jamhuri ya Muungano wa Tanzania kupitia Wizara ya Kilimo Mifugo na Uvuvi imegawa Vishikwambi pamoja na Sare kwa Maafisa ugani wa kilimo wote wa Halmashauri ya Wilaya ya Moshi. Vishikwambi hivyo vimekabidhiwa leo hii tarehe 15/08/2024 na Mkurugenzi Mtendaji Halmashauri ya Wilaya ya Moshi Ndugu Shadrack Mhagama katika Ukumbi wa Halmashauri.

Akikabidhi Vishikwambi hivyo Mkurugenzi Mtendaji amewataka Maafisa Ugani wa Kilimo kuzingatia malengo makuu ya vitendea kazi hivyo ikiwemo kuhakikisha usajili wa wakulima kwenye Mifumo ya pembejeo unafanyika kwa wakati na kwa ufanisi unaotakiwa.

Pili upatikanaji na usambazaji wa taarifa muhimu za shughuli za ugani zinapatikana kwa wakati.

Tatu kuhakikisha uchukuaji matukio mashambani na utoaji wa elimu kwa njia ya video unafanyika kwa wakati.

Nne kurahisisha usambazaji wa Teknolojia za kisasa za kilimo pamoja na kupima ukubwa wa maeneo kwa kutumia program tumizi ya GPS kwani Vishikwambi hivyo vimeungwa na program ya GPS.