RC BABU AFUNGUA MAFUNZO YA MADIWANI MOSHI DC, WAASWA KUZINGATIA KANUNI, SHERIA NA TARATIBU.

Posted on: January 20th, 2026

kuu wa Mkoa wa Kilimanjaro Mhe.Nurdin Babu amefungua rasmi mafunzo ya siku mbili kwa Waheshimiwa Madiwani wa Halmashauri ya Wilaya ya Moshi, leo mapema Januari 19, 2026, katika Ukumbi wa Mikutano wa Halmashauri.

Mafunzo hayo yenye lengo la kuwajengea uwezo Madiwani, yameendeshwa na wawezeshaji Kutoka Chuo cha Serikali za Mitaa Hombolo, ambao wamewasilisha mada mbalimbali zinahusu kanuni, Taratibu, Sheria na Miongozo Katika Utekelezaji wa majukumu ya Madiwani.

Akizungumza na Madiwani hao Mhe.Babu  amewataka madiwani kwenda kuisimamia Halmashauri kwa kujiepusha na migogoro, kusimamia ukusanyaji mapato na fedha, Pia kuhakisha wanasimamia utunzaji wa mazingira ili kupambana na mabadiliko ya tabianchi.

"Mafunzo haya yawe muongozo Katika utendaji kazi zenu na baraza kwa ujumla, kasimamieni ukusanyaji wa mapato hapo mnaweza mkaangalia vipaumbele vyenu Mfano mnaweza jenga ofisi za kisasa za kata"  Amesema RC Babu

Akiwasilisha moja ya mada Dkt Muhsin Danga Amesema pamoja na wajibu wa Diwani kuhakikisha ulinzi na usalama, kuimarisha huduma za kijamii pamoja na demokrasi, Pia Madiwani Wana wajibu kuzingatia utawala bora kwa  kuwashirikisha Wananchi Katika shughuli za maendeleo, ili Wananchi wajue kazi zinazofanywa na serikali yao.

Kwa upande wake Afisa Tawala Mwandamizi Kutoka Ofisi ya Waziri Mkuu TAMISEMI Mashaka Makuka ambaye pia ni mratibu wa Mafunzo kitaifa aliwapongeza madiwani hao kwa kuaminiwa na Wananchi Katika nafasi hizo, huku akiwataka kuwalipa Wananchi kwa kuchapa kazi kwa bidii.

Halikadhalika, Akizungumza kwa niaba ya Madiwani Mwenyekiti Wa Halmashauri ya wilaya ya Moshi Mhe. John Mapato Meela amasema mafunzo hayo ni muhimu kwani yatawajenga ili waweze kutekeleza majukumu yao pamoja na  kuisimamia Halmashauri ipasavyo.