NAIBU WAZIRI OFISI YA WAZIRI MKUU SERA,BUNGE NA URATIBU MHE.UMMY NDERIANANGA ATEMBELEA AKAGUA NA KUTOA MSAADA KWA WAATHIRIKA WA MAFURIKO

Posted on: December 28th, 2023

Mvua zilizotabiriwa na Mamlaka ya Hali ya Hewa Tanzania (TMA) kuwa za el-nino na kunyesha katika maeneno mbalimbali ya nchi yetu katika Wilaya ya Moshi, zilisababisha madhara kwa wakazi 445 kutoka katika kaya 119 katika kata 8.

Hadi kufikia tarehe 27/12/2023, Watu 5 wameripotiwa kufariki katika Kata 4, ikiwa 2 ni wakazi wa Kitongoji cha Saningo, Kijiji cha Mandaka Mnono Kata ya Old Moshi Magharibi. 1 Mkazi wa Kijiji cha Mrimbo Uuwo Kata ya Mwika Kaskazini, 1 wa Kijiji cha Masaela Kata ya Kilema Kusini na 1 wa Kijiji cha Kirima Kata ya Kibosho Kirima.

Jumla ya kaya 119 zilizoko kwenye Kata 8, vijiji 9 na Vitongoji 12 zilipata madhara makubwa. Ambapo nyumba zilizobomoka ni 20 na 10 kupata nyufa. Kaya 99 zilizingirwa na maji na zingine kuingiliwa na maji. Katika kaya 119, kaya 46 ni za Kata ya Old Moshi Magharibi, Kijiji cha Mandaka Mnono Kitongoji cha Saningo, kaya 26 ni za Kata ya Arusha Chini, kaya 18 zipo Kata ya Mabogini, kaya 3 ni za Kata ya Uru Kusini,Kaya 1 Kilema Kusini, kaya 2 ziko Kata ya Mwika Kusini, kaya 1 Kibosho Kirima na kaya 21 zinatoka Kata ya Kahe Magharibi.

Inakadiriwa ekari 1,634.75 zinazomilikiwa na kaya 1,139 za mazao ya mahindi, ndizi maharage, mpunga na mbogamboga zimeharibiwa katika Kata za Old Moshi Magharibi, Kilema Kusini, Kahe Magharibi, Arusha Chini, Mamba Kusini, Mamba Kaskazini, Mwika Kaskazini, Mabogini, Marangu Mashariki, na Mamba Kusini. Tathmini ya kina imeendelea kufanywa na Wataalam wa Kilimo wa Kata zenye uharibifu.

Kwa upande wa mifugo, Ngombe (ndama 03), Mbuzi 30, nguruwe 02, kondoo 29, kuku 44, na bata 30, wamepotea katika kitongoji cha Saningo na mayai 460 katika Kijiji cha Longuo A, Kata ya Uru Kusini.

Uharibifu wa miundombinu ya barabara umetokea katika maeneo ya Kata za Mabogini, Kahe Mashariki, Kahe Magharibi, Old Moshi Magharibi, Arusha Chini, na Kimochi Tathmini ya awali ya kuimarisha barabara hizo ni Tsh 4,650,000,000.00.

Madhara yaliyotokea ni kuharibika kwa chanzo cha mto Muwe ambacho kinalisha Kata 3 za kirua Vunjo Kusini, Kirua vunjo Mashariki na Kirua Vunjo Magharibi. Madhara mengine yaliyojitokeza ni kuzolewa kwa mabomba ya maji. Jumla ya Tsh. 14,000,000.00 za mapato ya ndani ya CBWSo ya Kirua Kahemtiririko zilitumika kurejesha huduma.

Serikali yatoa msaada wa Mahindi tani 20, Magodoro 150, Blanketi 300, Mikeka 300, Ndoo za maji 150, madumu ya maji 150 yatakayogawiwa kwa wakazi 445 wa kaya 119.