MKUU WA MKOA WA KILIMANJARO MHE. NURDIN HASSAN BABU AKABIDHIWA VYUMBA 30 VYA MADARASA

Posted on: December 22nd, 2022

Halmashauri ya Wilaya ya Moshi ilipokea jumla ya Shilingi Milioni Mia Sita (600,000,000.00) kwa ajili ya Ujenzi wa Vyumba 30 vya Madarasa katika Shule za Sekondari 19. Kati ya Shule hizo Shule 10, zipo Jimbo la Moshi Vijijini na kumejengwa Vyumba 14 vya Madarasa. Aidha, Shule 9 za Sekondari zipo Jimbo la Vunjo na kumejengwa Vyumba 16 vya Madarasa

Fedha kwa ajili ya Ujenzi wa Vyumba 30 vya Madarasa  zilipokelewa tarehe 01/10/2022 kutoka Serikali kuu, kupitia akaunti za Shule 19 zilizotekeleza Ujenzi huo. Ujenzi wa Vyumba vya Madarasa na utengenezaji wa samani ulitekelezwa kwa njia ya “Force Account” ambapo kazi zote zilitarajiwa kukamilika kabla au ifikapo tarehe 15.12.2022 ambapo Ujenzi wa Madarasa 30 na utengenezaji wa samani ulikamilika tarehe 10/12/2022 kabla ya muda uliopangwa.

Kukamilika kwa Ujenzi wa Vyumba 30 vya Madarasa kutawezesha jumla ya wanafunzi wote 8,736 wakiwemo wavulana 4,346 na wasichana 4,390 waliochaguliwa kujiunga kidato cha kwanza 2023 kuanza masomo ya Sekondari kwa pamoja muhula wa Shule utakapofunguliwa tarehe 09 Januari 2023.

 Mafanikio haya yaliyofikiwa yamechangiwa sana na usimamizi mzuri wa Mkuu wa Mkoa Kilimanjaro Mhe. Nurdin Hassan Babu ambapo mara kwa mara alikagua maendeleo ya Ujenzi na kuhamasisha kwa upendo  kukamilisha kazi hii muhimu kwa wakati.

Shukrani za dhati zimuendee Mhe. Abbas Kayanda, Mkuu wa Wilaya ya Moshi, na Katibu Tawala Wilaya ya Moshi Bi. Angelina Marko ambao walikuwa kazini siku zote wakihimiza na kusimamia kwa upendo na kuhakikisha Ujenzi wa Vyumba vya Madarasa kwenye kila Shule unatekelezwa kwa ubora na viwango vya hali ya Juu.