MCHAKATO WA KUWEZESHA HIFADHI YA TAIFA KILIMANJARO KUINGIA KATIKA HADHI YA MTANDAO WA KIMATAIFA WA GLOBAL GEOPARK

Posted on: May 23rd, 2023

Hifadhi ya Taifa Kilimanjaro ni miongoni mwa maeneo yenye utajiri mkubwa wa miamba ya aina mbalimbali. Kutokana na sifa hiyo Hifadhi hii inakidhi vigezo vya kuwa miongoni mwa maeneo ya Mtandao wa ‘Global Geopark’ hadhi inayotambulika na Shirika la UNESCO.

Shirika la Hifadhi za Taifa kwa kushirikiana na Tume ya Taifa ya UNESCO (NATCOM) limepanga kuingiza baadhi ya Hifadhi za Taifa Tanzania ikiwemo Hifadhi ya Taifa Kilimanjaro kwenye Mtandao wa ‘Global Geopark’. Aidha miongoni mwa vigezo vya eneo kuingizwa kwenye mtandao huo wa Kimataifa ni kufanya utambuzi wa Vituo vya Utalii vilivyomo ndani nan je ya Hifadhi kwa ajili ya kuvitangaza.

Kufuatia vigezo hivyo, timu ya wataalam wa TANAPA na UNESCO-NATCOM imeanza mchakato wa kuandaa andiko la kuomba UNESCO kuusajili Mlima wa Kilimanjaro kuwa katika mtandao wa ‘Global Geopark’.

Kikao cha Kupata Maoni Juu ya Mchakato wa kuwezesha Hifadhi ya Taifa ya Kilimanjaro kuingia katika Hifadhi ya Mtandao wa Kimataifa wa Global Geopark kimefanyika leo Tarehe 23/05/2023 katika Halmashauri ya Wilaya ya Moshi ndani ya Ukumbi wa Mikutano wa Halmashauri na kuhudhuriwa na Mwenyekiti wa Halmashsuri ya Wilaya ya Moshi Mhe. Morris Joseph Makoi (Diwani Kata ya Kibosho Okaoni),Makamu Mwenyekiti Mhe.Filbert August Shayo (Diwani Kata ya Marangu Magharibi),Diwani Kata ya Kibosho Kati Mhe.Bahati Sebastian Mamboma, Diwani Kata ya Mwika Kaskazini Mhe.Samwel Ndetaramo Shao, Diwani Kata ya Marangu Mashariki Mhe.Jonas S.Mawalla,Diwani Kata ya Mbokomu Mashariki Mhe.Raphael V.Materu,Diwani Kata ya Uru Mashariki Mhe.Samwel M.Materu,Diwani Kata ya Kibosho Mashariki Mhe.Christopher A.Ndakidemu,Diwani Kata ya Kimochi Ally D.Badi na Diwani Kata ya Old Moshi Mashariki Mhe.Jane G.Mandara

Kikao hicho pia kilihudhuriwa na Maafisa Tarafa za Kibosho, Hai na Vunjo Mashariki, Maafisa wa Halmashauri,Watendaji wa Kata, Watendaji wa Vijiji na Wenyeviti wa Vijiji vya Mweka, Sungu, Shimbwe Juu, Materuni, Arisi, Kitowo, Kyala, Mshiri, Msae Kinyamvuo, Kidia, Mowo, Tema, na Tsuduni pamoja na Wadau wa Utalii na Utamaduni waliopo ndani ya Wilaya kulingana na mialiko yao.

Washirki kwa nafasi zao walipata wasaa wa kuchangia na kutoa maoni yao juu ya mchakato wa kuwezesha Hifadhi ya Kitaifa Kilimanjaro kuingia katika hadhi ya Mtandao wa Kimataifa wa ‘Global Geopark’.