HALMASHAURI YAADHIMISHA SIKU YA LISHE KATIKA ZAHANATI YA NJIAPANDA

Posted on: November 21st, 2025

Maadhimisho ya siku ya Lishe kitaifa yamefanyika leo tarehe 21 Oktoba, 2025, ambapo katika Halmashauri ya Wilaya ya Moshi, maadhimisho hayo yamefanyika katika Zahanati ya Njiapanda iliyoka Kata ya Njiapanda.

Maadhimisho hayo yamekwenda sambamba na utoaji wa elimu ya Lishe pamoja na huduma za upimaji wa magonjwa yasiyoambukiza kama vile kisukari na shinikizo la damu.

Wakazi mbalimbalii walijitokeza kwa wingi kupata huduma ambapo zaidi ya watu 400 walijitokeza kuhudumiwa na Wataalam wa afya bila malipo yoyote.

Akizungumza kwa niaba ya Mkurugenzi mtendaji wa Halmashauri ya Moshi, Mgeni Rasmi Bw. Peter Joseph Tungu amesema msingi wa maendeleo ya Jamii yoyote ni afya bora hivyo Wananchi wazingatie Lishe bora.

"Lishe bora ni msingi imara wa afya njema na maendeleo ya kiuchumi ya mtu binafsi na taifa kwa ujumla. Mwili wenye afya bora hupatikana kupitia ulaji sahihi  jambo ambalo huimarisha kinga ya mwili hivyo uwezo wake wa kujifunza huongezeka, ufanisi kazini huimarika, na anaweza kushiriki kikamilifu katika shughuli za kiuchumi za familia na jamii kwa ujumla.

Kwa upande wake Afisa Lishe wa Halmashauri ya wilaya ya Moshi Ndugu John Lwena ametoa Elimu ya makundi Sita ya chakula, Huku akiwahamasisha Wananchi kuachana na mitindo isiyofaa ya maisha kama unywaji wa pombe na kutokufanya mazoezi.