KAMATI YA KUDUMU YA BUNGE TAWALA ZA MIKOA NA SERIKALI ZA MITAA YATEMBELEA UJENZI WA HOSPITALI YA WILAYA YA MOSHI

Posted on: March 14th, 2024

Wajumbe wa Kamati ya kudumu ya  Bunge Tawala za Mikoa na Serikali za Mitaa watembelea na kukagua ujenzi wa Hospitali ya Wilaya ya Moshi iliyojengwa katika Kata ya Mabogini ndani ya Halmashauri ya Wilaya ya Moshi.

Ujenzi wa Hospitali ya Wilaya ya Moshi ulianza Mwaka 2022 ambapo jumla ya Tsh. 1,000,000,000.00 zilipokelewa kwa awamu mbili tofauti.

Awamu ya I tarehe 12/4/2022 zilipokelewa fedha Tsh. 500,000,000.00 kwa ajili ya ujenzi wa Jengo la huduma za wagonjwa wan je (OPD) na Maabara.Jengo la huduma za wagonjwa wa nje (OPD) lipo katika hatua za mwisho za ukamilishaji na limeanza kutumika kutoa huduma kwa wananchi wa Kata ya Mabogini. Jengo la Maabara pia lipo hatua ya umaliziaji. Jumla ya fedha zilizotumika kwenye ujenzi wa majengo hayo ni Tsh. 500,000,000,.00.

Awamu ya II tarehe 24/01/2023 Halmashauri ilipokea fedha Tsh. 500,000,000.00 kwa ajili ya ujenzi wa Jengo la kujifungulia (Maternity Ward). Jengo hili la wodi ya huduma za Uzazi lipo katika hatua nzuri ya ujenzi na mpaka sasa tarehe 14/3/2024 kiasi cha Tsh. 478,264,308.64 kimetumika katika ujenzi huo.

Awamu ya III tarehe 27/10/2023 Halmashauri ilipokea Tsh. 800,000,000.00 kwa ajili ya ujenzi wa Jengo la Utawala, Jengo la Mionzi (X-RAY), Jengo la Kufulia na Jengo la kutolea dawa. Ujenzi wa majengo hayo tayari umeanza na yatakamilika katika vipindi tofauti kutokana na mikataba  ya ujenzi iliyoweka kwa wazabuni waliopewa tenda na inatarajiwa kukamilika tarehe 5/6/2024 isipokuwa kwa Jengo la Utawala linalotajiwa kuisha tarehe 5/8/2024.