DC MOSHI AWATAKA VIONGOZI KUWA MABALOZI WA KAZI ZA SERIKALI

Posted on: December 2nd, 2025

Mkuu wa Wilaya ya Moshi Mhe. Godfrey Eliakimu Mnzava amewataka viongozi mbalimbali na wadau wa maendeleo kuwa mabalozi wema wa kutangaza kazi zinazofanywa na Serikali ya Awamu ya Sita katika Wilaya ya Moshi

Ameyasema hayo leo wakati akongoza Kikao cha Kamati ya Ushauri ya Wilaya leo tarehe 2 Desemba, 2025 katika Ukumbi wa Mikutano wa Halmashuari ya Wilaya ya Moshi.

Kikao hicho kimehudhuriwa na wajumbe mbalimbali wakiwemo wabunge wa majimbo ya Vunjo na Moshi vijijini, Wakuu wa Sehemu na Vitengo, wawakilishi wa taasisi, viongozi wa dini pamoja na viongozi wa vyama vya siasa

Mnzava amesema kazi kubwa inafanyika na Serikali ya Awamu ya Sita inayoongozwa na Rais Dkt.Samia Suluhu Hassan kwani fedha nyingi zinapelekwa vijijini ili kutekeleza miradi mbalimbali ya afya, elimu,umeme maji na ujenzi wa miundombinu ya barabara hivyo kila mtu ana wajibu wa kuyaasema hayo kwa wananchi.

"wote tumeseikia hapa katika ripoti zilizowasilishwa na Halmashauri Pamoja na taasisi mbalimbali jinsi Moshi ilivyopokea fedha nyingi kwaajili ya miradi basi tusisubiri sisi tu ndio tuseme nyinyi pia mnaona yanayo fanyika nendeni mkawaeleze wananchi wajue Serikali yao inafanya kazi".(Amesema Mnzava)

Akichangia katika kikao hicho Mwenyekiti wa Chama cha Wananchi (CUF) Wilaya Moshi Habibu Msansi amesema ni wajibu wa kila kiongozi mzalendo kutangaza kazi zinazofanywa na Serikali huku akiwataka wanasiasa wenzake kuweka mbele masalahi ya Taifa kwanza.

Aidha, Mkurugenzi wa Halmashauri ya Wilaya ya MoshiNdugu Shadrack Mhagama amesema Ofisi yake imefanya jitihada mbalimbali za kutangaza kazi za Serikali kupitia vyombo vya habari vya kitaifa pamoja na mikutano mbalimbali ya hadhara.

Pamoja na ajenda nyingine taasisi mbalimbali za Serikali zinazotoa huduma katika Wilaya ya Moshi ziliwasilisha taarifa zao za utendaji kazi ambazo zilijadiliwa na wajumbe kwaajili ya kupata ushauri na kupokea changamoto mbalimbali.