Mkuu wa Wilaya ya Moshi Mhe. Abbas Kayanda atembelea Vikundi vya Wanawake,Vijana na Watu wenye Ulemavu.

Mkuu wa Wilaya ya Moshi Mhe. Abbas Kayanda atembele Vikundi mbalimbali vinavyonufaika na Mikopo ya Asilimia 10 inayotolewa na Halmashauri ya Wilaya ya Moshi.Mikopo hiyo hutolewa kwa Wanawake,Vijana na Watu wenye Ulemavu ikiwa ni utekelezaji wa utoaji wa Mikopo ya 10% ya Mapato ya Ndani ya Halmashauri.

Katika ziara yake alifanikiwa kukitembele Kikundi cha Wanawake kinachojulikana kwa Jina la Kundanenyi kilichopo katika Kijiji cha Koresa Kata ya Kirua Vunjo Kusini ambacho kilikopeshwa kiasi cha Shilingi Milioni Nane (8,000,000/=).Kikundi hicho kinajishughulisha na ufugaji wa Kuku.

Pia aliweza kukitembelea Kikundi cha Vijana kinachojulikana kwa Jina la Wasaka Tonge kilichopo katika Kitongoji cha Njia Panda Mashariki Kata ya Njia Panda ambacho kilikopeshwa kiasi cha Shilingi Milioni Nane (8,000,000/=) na kinajishughulisha na Uuzaji wa Nafaka.

Alikitembelea pia Kikundi cha Vijana cha Lux Youth kilichopo Kijiji cha Ghona Kata ya Kahe Mashariki kilichokopeshwa fedha kiasi cha Shilingi Milioni Saba (7,000,000/=)  na kinajishughulisha na shughuli za Kuchomea Chuma(Welding and Metal Fabrication).

Ameishukuru Serikali ya Awamu ya Sita inayoongozwa na Rais wa Jamhuri ya Muungano wa Tanzania Dkt. Samia Suluhu Hassani kwa kuwajali Wanawake,Vijana na Watu wenye Ulemavu kwa kuwapa Mikopo isiyo na Riba kwa malengo ya wao kujikwamua kimaisha.

Amewasihii kurejesha marejesho yao kwa wakati na hii itapelekea wao kukopeshwa zaidi.