HALMASHAURI YA WILAYA YA MOSHI YAGAWA MIPIRA 130 KWA SHULE ZA MSINGI,SEKONDARI NA VITALU VYA MICHEZO.

Halmashauri ya Wilaya ya Moshi leo tarehe 15 Aprili,2024 imegawa mipira ya miguu 64 kwa Shule za Msingi zilizo ndani ya Halmashauri ya Wilaya ya Moshi ambapo katika mgao huo Kata zote 32 za Halmashauri zilipatiwa mipira miwili miwili.

Pia kwa upande wa Shule za Sekondari mipira 32 iligawiwa kwa kila Kata.

Vile vile mipira 24 iligawiwa kwa Shule za Msingi na Sekondari zenye Vitalu vya mchezo wa mpira wa miguu.

Akigawa mipira hiyo Kaimu Mkurugenzi Mtendaji wa Halmashauri ya Moshi Ndg. Lucas Mselle alisema mipira hiyo ikatumike katika kukuza vipaji vya wanafunzi mashuleni pamoja na kufanya Maandalizi ya mashindano ya Umitashumta na Umiseta.