MWENYEKITI WA HALMASHAURI YA WILAYA YA MOSHI AGAWA PIKIPIKI 60 KWA MAAFISA UGANI.

Posted on: July 15th, 2022

Mwenyekiti wa Halmashauri ya Wilaya ya Moshi leo tarehe 15.07.2022 amegawa pikipiki 60 kwa Maafisa Ugani.

Amewaeleza Maafisa Ugani kwamba Serikali imewatambua na kuwaona kuwa  wao ni watu muhimu kwenye jamii hivyo wanapaswa kuonyesha kwa vitendo. Uzalishaji wa mazao ya Kilimo unatakiwa uonekane kwa kila Kata na Kijiji.

Halmashauri ya Wilaya ya Moshi ina mazao mbalimbali ya kimkakati,Mfano Kahawa, Mpunga, ndizi, mazao haya yanapaswa kusimamiwa vizuri na tija ionekane.

Aidha Mwenyekiti wa Halmashauri amewaasa Maafisa Ugani hao wazitumie Pikipiki hizo kwa malengo yaliyokusudiwa na wajihakikishie usalama wao wakati wanatumia vyombo hivyo.