DKT. DOROTHY GWAJIMA ATEMBELEA WANANCHI KATA YA MABOGINI HALMASHAURI YA WILAYA YA MOSHI

Posted on: February 18th, 2023

Waziri wa Maendeleo ya Jamii,Jinsia,Wanawake na Makundi Maalum Dkt. Dorothy Gwajima akiongea na Wananchi wa Kata ya Mabogini iliyoko Halmashauri ya Wilaya ya Moshi juu ya Vita ya kupinga na kutokomeza ukatili wa kijinsia na kuitaka jamii kushirikiana kutokomeza vitendo vya ukatili kupitia Kamati za Ulinzi za Wanawake na watoto kwenye vijiji na mitaa.

Amekagua Utekelezaji wa majukwaa ya uwezeshaji wanawake kiuchumi na fursa za mikopo ya asilimia 10 inayotolewa na Halmashauri pia amewataka Maafisa Maendeleo ya jamii kutoa msaada na elimu ya kutosha  kwa wanufaika ambapo kwa sasa Serikali ya awamu ya sita inayoongozwa na Rais wa Jamhuri ya Muungano Dkt. Samia Suluhu Hassan inatoa Mikopo hiyo kupitia njia ya mtandao na kuwataka Wataalamu kuwasaidia Wanawake,Vijana na Watu wenye Ulemavu namna ya kutuma maombi hayo na kuwajulisha hatua zilizofikiwa kwenye maombi yao.