MKUU WA WILAYA YA MOSHI MHE. GODFREY ELIAKIMU MNZAVA AFANYA ZIARA NA KUONGEA NA WANANCHI WA KATA YA KAHE MASHARIKI

Mkuu wa Wilaya ya Moshi Mhe. Godfrey Eliakimu Mnzava afanya ziara katika Kijiji cha Kyomu Kata ya Kahe Mashariki ikiwa ni mwendelezo wa ziara zake za kutembelea Kata zilizoko Halmashauri ya Wilaya ya Moshi kwa lengo la kujitambulisha pamoja na kuwasililiza wananchi kero zao na kuzitafutia majawabu.

Leo tarehe 26/02/2024 ilikuwa ni zamu ya Kata ya Kahe Mashariki na miongoni mwa kero zilizowasilishwa ni pamoja na maswala ya umeme,ardhi,mifugo na afya.

Wataalamu mbalimbali walioambatana na Mkuu wa Wilaya katika ziara hiyo walipata wasaa wa kutoa majawabu kwa wananchi kulingana na namna ilivyo wasilishwa.

Pamoja na hayo pia Mkuu wa Wilaya aliwataarifu wananchi kuanza kuchukua hatua madhubuti kwa ajili ya kukabiliana na mvua kubwa zinazotarajiwa kuanza hivi karibuni kutokana taarifa ya mamlaka ya hali ya hewa na kuwataka wale wanaoishi katika mazingira hatarishi kuanza kuchua hatua mapema ikiwemo kuhama kabisa katika maeneo hayo.

Pia alipiga marufuku swala la unywaji pombe ulikidhitlri na kuwataka wananchi kutojihusisha na unywaji wa pombe nje ya utaratibu uliowekwa na kuruhusu unywaji kuanzia saa 10 jioni baada ya wananchi kutoka kwenye shughuli za uzalishaji .