MAFUNZO YA BIASHARA KWA WAFANYABIASHARA HALMASHAURI YA WILAYA YA MOSHI

Mafunzo ya Biashara kwa Wafanyabiashara katika Halmashauri ya Wilaya ya Moshi yamefanyika leo tarehe 26/09/2023 katika Ukumbi wa Mikutano wa Halmashauri na kufunguliwa na Kaimu Mkurugenzi Halmashauri ya Wilaya ya Moshi Ndg. David A.Mgonja na mafunzo haya yalihudhuriwa na Wafanyabiashara wapatao 60 kutoka maeneo mbalimbali ya Halmashauri ya Wilaya ya Moshi wakiongozwa na Mwenyekiti TCCIA Mkoa Kilimanjaro Bw.Sebastian R.Assenga na Katibu wake Bw.Boniface Mariki pamoja na  Wenyeviti wa Wafanyabiashara kutoka maeneo tofauti ndani ya Halmashauri.

Wafanyabiashara waliohudhuria walipitishwa kwenye mada mbalimbali zikiwemo;

Usajili wa Majengo ya kuuzia Bidhaa za Chakula na Vipodozi na Utaratibu wa kupata alama ya Ubora wa Bidhaa kwa Wajasiriamali wadogo na wakubwa.

Mtoa Mada alikuwa Bw.Hamisi J.Mikonzi kutoka Shirika la Viwango Tanzania (TBS)

Fursa na Huduma mbalimbali za kibenki.

Mtoa Mada alikuwa Bi.Beatrice Njau Meneja CRDB Tawi la Mbuyuni – Moshi

Leseni za Biashara na Utaratibu wa kuuza na kusafirisha mazao ya kilimo nje ya nchi na Utaratibu wa kupata cheti cha Uasili wa bidhaa(Certificate of Origin).

Mtoa Mada alikuwa Bw.Sebastian R.Assenga Mwenyekiti TCCIA Mkoa wa Kilimanjaro.

Umuhimu wa matumizi ya vipimo sahihi katika Biashara na Ujasiriamali.

Mtoa Mada alikuwa Bw.Kabeya Bayeke ambaye ni Wakala wa Vipimo(WMA).

Utaratibu wa kupata Alama ya Simbomilia(Barcode).

Mtoa Mada alikuwa Bw.Roman Mnzava kutoka GS1 Tanzania Kanda ya Kaskazini.

Wafanyabiashara walipata wasaa wa kuuliza na kupatiwa majibu kutoka kwa watoa mada.